🇪🇬 فرسان القراءة.. على خطى أبطال نصر أكتوبر 🇪🇬
في ذكرى نصر أكتوبر المجيد، نستلهم من أبطالنا قيم العزيمة والإصرار وحب الوطن، ونؤمن أن القراءة هي سلاح المعرفة الذي يبني الأجيال ويصنع المستقبل.
📚✨ ندعو أبناءنا الطلاب للمشاركة في مسابقة فرسان القراءة، ليكونوا فرسانًا للعلم والمعرفة كما كان أبطال أكتوبر فرسانًا للنصر والكرامة.
🔹 اقرأ كتابًا وافتح آفاقًا جديدة. 🔹 شارك في المسابقة وأبرز موهبتك. 🔹 اجعل القراءة طريقك للتميز والإبداع.
"بالقراءة نبني العقول... وبالعلم نواصل مسيرة الانتصارات."
🇪🇬 كل التحية لأبطال أكتوبر،
وكل التوفيق لفرسان القراءة. 🇪🇬
الادارة العامة للمكتبات
#فرسان_القراءة
#نصر_أكتوبر
#مكتبات_مصر
#القراءحياه #إدارة_زفتى #توجيه_المكتبات 📚🏆🇪🇬

كيفية حساب النسخ والعناوين ( ياريت نقراها بتمعن ) هامة جدا
ـــــــــــــــــــــــــــــــــــــــ
مبدئيا : الطريقة الوحيدة الصحيحة ولا خلاف علي ذلك هي فهرسة كل كتب المكتبة
ومن خلال البطاقات اعد بطاقات كل قسم علي حدا يديني عدد العناوين
وخلف كل بطاقة مكتوب الرقم العام ( نسخة او اتنين او اكتر ) اجمع هذه الارقام يديني عدد النسخ لكل قسم
اجمع كل الاقسام يديني العدد الكلي للنسخ ( اللي هو العدد الفعلي لمكتبتي )
فاذا تطابق العددان ( النسخ والفعلي ) يبقي الوضع سليم ومكتبتي متفهرس كويس
وفي بداية كل عام اقوم بحذف الكتب التي سقطت جرد ( فاقد او تالف ) من النسخ والعناوين
ـــــــــــــــــــــــــــــــــــــــــــــــــــــــــــــ
ماذا لو ان المكتبة مفهرسة جزئيا اوغير مفهرسة نهائيا ( وهذا حال 90 % من المكتبات )
عندي طريقتين:
- الاولي : امسك سجل اليومية وابدأ اعد الاقسام يدويا بداية من 000 حتي 920 واكيد حتي المكتبات الغير مفهرسة عندهم الدفتر مصنف واكتب عدد كل قسم علي حدا ، ثم اجمع الاعداد يديني عدد النسخ
اما العناوين لا تصلح معها طريقة العد من السجل حيث ان معظم المكتبات يشتري الكتاب وبعد عامان يشتري نسخة اخري ويتكرر الامر فنجد مثلا كتاب الايام ( طه حسين ) عندي 5 نسخ متفرقين في السجل
يبقي مفيش حل لحساب العناوين الا بالطريقة التانية
- الثانية : حضرتك بعد ما تعمل الجرد بتجمع طبعا النسخ كلها مع بعض وتحطها في القسم بتاعها ( اللي هو التصنيف بالعين ) يعني انا مش مصنف ولا مفهرس مكتبتي لكن عارف كل كتاب تبع انهي قسم بجمع النسخ جنب بعض وابدأ اعد كل قسم علي حدا في كام كتاب ( يديني النسخ )
واعد كل مجموعة نسخ متكررة ( تحسب عنوان ) يعني 3 كتب بعنوان ( توشكي النماء ) يتحسبوا ( عنوان واحد و 3 نسخ )
لكن شريطة ان تجمع كل الكتب وتضعها علي الرف وياحبذا لو تساوي ( الرقم الفعلي مع عدد النسخ )
يبقي ساعتها مكتبتك مظبوطة 100 %
ـــــــــــــــــــــــــــــــــــــــــــــــــــــــــــــــــــــــــــــــــــــ
عملت ايا من الطرق اللي فاتت ولقيت العدد اقل من الفعلي ( وهتلاقي ده بيحصل كتير) ليه ؟
- عديت غلط ومخدتش بالك
- عديت غلط وخدت بالك بس كسلت تعيد من تاني لان العملية مرهقة
- مكسل تعد لان المكتبة كبيرة ، وانت لوحدك والسجل مش واضح ، او مش كاتب التصنيف ، او مش مفهرس المكتبة، والدنيا داخلة في بعض وكتاب من العلوم في التاريخ وكتاب من الفنون في الاداب ( مكتبات كتير كده ولا لوم علينا لان الحصص وري بعض والعيال داخلة خارجة ومبهدلين المكتبة والاخصائي مغلوب علي امره ومش عارف يلاقيها منين ولا منين حصص وسجلات وشغل فني وثقافي ) المهم
،،،،،،،،،،،،،،،،،،،،،،،،،،،،،،،،
هتعمل ايه حضرتك هتقف قدام الرف وتعد الكتب في كل قسم واسجل في ورقة
العدد وبعدين اعد العناوين واجمع العدد الكلي هلاقي العدد اقل من العدد الفعلي
تعمل ايه تبدأ تزود وهمي بتناسب الاعداد اللي قدامك لغاية ما مجموع النسخ يساوي العدد الفعلي مثال علشان ابسط الحتة دي ( اهم نقطة في الموضوع )
عندي
000 211
100 119
200 360
300 190
400 23
500 180
600 170
700 95
800 515
900 350
920 109
اجمع يديني 2322
وانا عندي الفعلي 2410
باقي كام كتاب 88
اقسم ال88 علي الاقسام كلها يعني ازود علي كل قسم كام كتاب لغاية ما المجموع يتساوي مع الفعلي
طب والعناوين زي ماعديتها متزودش ولا تنقص
وعلي فكرة اغلب مكتبات مصر ماشية بالطريقة دي الا المكتبات التي دخلت جمهوري لانها مفهرسة بالكامل
دمتم اصدقائي بخير وانا مستعد لاي سؤال