اصدقائي الافاضل حابب اقولكم تجربة شخصية في ادارة حصة مكتبة ( الصف السادس )
الموضوع قد يكون طويل بس مهم
دخل فصل المكتبة صف بنات وصف بنين
بدأت اشرح الجزء المفروض من المنهج ( حوالي من 10 الي 15 دقيقة )
وبعد ذلك مسكت كتاب اسمه ( الجمل سفينة الصحراء ) وبدأت الحصة
معانا كتاب النهاردة عن حيوان معروف وورتهم الغلاف
قالوا الجمل ، بعضهم قرأ الجمل سفينة الصحراء
سألت مين يقولي الجمل لام شمسية ولا قمرية ( لغة عربية ) اجابوا قمرية
طب مين يعربلي كلمة الجمل ( نحو ) اجابوا مبتدأ
طب المبتدأ لازم له ايه ( نحو) خبر
طب عايز 5 كلملت اواهم حرف الجيم ( املاء ) اجابوا
مين يقولي الجمل طائر ولا حيوان ( علوم ) حيوان
طب سؤال مين يعرف الفرق بين الطيور والحيوانات ( علوم ) اجابوا اجابتين من 4 فروق
قولتلهم باقي الفروق ( معلومات عامة وعلوم )
طب مين يعرف الجمل مشهور بايه ( معلومات عامة ) اجابوا سفينة الصحراء
طب مين يعرف اسماء الصحاري في مصر ( جغرافيا ) اجابوا الشرقية والغربية
طب في صحراء تاني كبيرة وفيها بترول (جغرافيا ) لم يجيبوا قلت صحراء سيناء
طب مين بعرف يقولي جمل بالانجليزي ايه ( لغة انجليزية ) اجابوا camel
طب الجمل له ميزة مشهور به ( معلومات عامة ) يتحمل العطش وقلة الماء
هل ذكر الجمل في القران ( تربية دينية ) اجابوا ناقة صالح وناقة الرسول صلي الله عليه وسلم
كل ده وانا لسه قافل الكتاب وفي الغلاف وانتهت الحصة قبل ماأقرأ حرف من الكتاب علي وعد نقرأه في حصة تالية
واد ايه كان الولاد مبسوطين والكل شارك بالاجابة لاني بسمع اكتر من اجابة ومابقولش غلط لحد بس لما بسمع الاجابة الصح واقوله برافو اللي غلط بيعرف غلطه لوحده بدون ان احرجه ويبقي اتعلم الصح من خلال المنافسة والمسابقات بتثبت المعلومات جدا
دي حصة حقيقة عملتها بالفعل وماشي علي الفكرة دي من سنين مفيش حاجة اسمها اوزع قصص محدش بيقرا وبيقطعوا الكتب لكن كده بشرك الكل وبعرف اشدهم يطريقتي ويمشوا من المكتبة مبسوطين