السادة الزملاء الافاضل :
بعد نشر بوست سجل المترددين حصل لبس عند بعض الزملاء
البعض قال ليه بنكتب اسمنا في السجل
والبعض قال التسلسل مش سليم
والبعض اعترض علي كتابة اسم طالب بيرجع كتاب مستعار
واحب اوضح واكد ان حضرتك متردد علي المكتبة وبتسجل اسمك زيك زي اي حد واي شخص يدخل المكتبة لازم يسجل اسمه وده كان رأي لجان التقييم اللي كانت بتجينا
( ملحوظة صغيرة : ادارتي العمرانية 11 سنة مركز اول جمهوري ) مش معقول كل اللجان اللي جات قيمت معملتش دي سلبية حتي الطالب اللي جاي يرجع كتاب والجزئية دي بالذات في صالح الاخصائي لانك لو نسيت توقع علي ارجاع الكتاب هترجع للسجل وتشوف الطالب رجع بالفعل ولا لأ ولو مش حابب تسجل اسمك مفيش مشكلة الامر مش الزامي
نيجي علي النقطة الاهم :
الرقم ده مش مسلسل ده ترقيم للطلاب اللي دخلوا المكتبة ومرفق صورة للتوضيح
مثلا اول رقم الاخصائي وبعده رقم 2 الاخصائي التاني ثم حصة مكتبة 7 بنات اصبحت الخانة التالتة 2 + 7 = 9 وده الرقم المكتوب في السطر التالت
بعدها في السطر الرابع 8 بنات حصة مكتبة + ال9 =17 وده المكتوب في السطر الرابع
ثم طالبة في السطر الخامس يبقي 17 + 1 (اللي هي الطالبة )اصبح الرقم 18
وهكذا نضيف عدد اللي هيدخل علي العدد الموجود ونسجل المجموع
وشكرا لكل من علق او نقد او سأل
خالص تحياتي للجميع
يوسف ابوالعباس