السادة الزملاء الافاضل :
هنعمل ايه اول يوم دراسة
· نبدأ يومنا ببسم الله الرحمن الرحيم ودعاء اللهم لاسهل الا ماجعلته
سهلا وانت تجعل الصعب سهلا ان شاء الله
· اول عمل هنعمله نفتح (سجل المترددين ) ونكتب التاريخ واليوم ونسجل اسمنا في الدفتر
· تاني عمل اعمله استلمت جدول الحصص بتاعك هات ورقة ارشيف او لوحة بريستول نص او ربع فرخ او الافضل كرتونة نتيجة واستخدمها من الظهر الجزء الابيض وسجل عليها الجدول بتاعك وعلقها في مكان ظاهر لاي حد داخل المكتبة
· تالت عمل لو ماكنتش عامل اجتماع للجنة المكتبة قبل الدراسة بيوم او يومين اعمل محضر اجتماع وسجلة بتاريخ قبل الدراسة ( سجل لجنة المكتبة )
· رابعا حضراول دروس لحصة المكتبة للصفوف اللي بتتعامل معاها وجهز سجل (حصة المكتبة )لان المتابعين بيهمهم التحضير
· خامسا المفترض ان حضرتك عامل ( سجل الخطة العامة ) من قبل ومظبط السجل ابدأ فرغ خطة شهر اكتوبر وموجودة عندك بالجروب
· سادسا روح لقسم ال300 اسحب منه كتب تلوث البيئة واعمل معرض البيئة الدائم والمعرض ده بيستمر طوال العام ( سجل المعارض )
· لو مش عندك حصص من اول يوم من الممكن تحضر بعض السجلات زي
( الاذاعة المدرسية )بدء العام الدراسي وموجودين ايضا بالجروب وسيبها من غير تاريخ لغاية ما ييجي يوم للاذاعة
· ثامنا لو كنت مانزلتش الجرد تقدر تنزله وتشطبه قبل زحمة الحصص
( ملف الجرد )
· ختم سجلاتك ورقمها وحضر اللي ناقص منها وحضر ندوة او محاضرة بس من غير تاريخ
واخيرا اعانكم الله وسدد خطاكم ووفقكم لما فيه الخير
يوسف أبوالعباس