اخصائى مكتبات مصر - الزملاء الافاضل : كل سنة وحضراتكم طيبين يارب...

πρόσθεσε μια φωτογραφία

2023-09-16 11:22:37 -

الزملاء الافاضل :
كل سنة وحضراتكم طيبين
يارب عام دراسي سعيد علي الجميع وندعو الله ان يوفقنا جميعا
النشرة التوجيهية نزلت وفيها المنهج ونشرة المسابقات وتم نشرهم بالجروب
حابب أوضح بعض النقاط
اولا : المنهج نفس المنهج بتاع السنة اللي فاتت يعني اللي عنده تحضير من السنة اللي فاتت يحتفظ به ويشتغل منه
واللي ماعندهوش ان شاء الله هنزل المنهج صور و pdf للطباعة
ـــــــــــــــــــــــــــ
ثانيا : المرحلة الاعدادية والثانوية مفيش عندهم مشكلة لانهم هيشتغلوا منهج تربية مكتبية
المشكلة عند المرحلة الابتدائية لان اصبح مفيش منهج مكتبة ومن الصف الرابع الي السادس هتشتغل مهارات مهنية
ــــــــــــــــــــــــــــ
ثالثا ودي اهم حاجة
المهارات المهنية مادة لها منهج وتحضير وحصص وتدريس وامتحان وتصحيح ودرجات اعمال سنة ولها ايضا حافز
البعض هيقول مالهاش لازمة وجع القلب مع العيال ونشرح ونتعب علي مبالغ ضئيلة
ارد علي حضرتك واقولك كنت بتشتغل حصص مكتبة مع العيال طول اليوم فصل داخل وفصل خارج ببلاش
كمان دلوقت حضرتك مش هتشتغل مهارات مهنية هتقعد فاضي وهتبقي ملطشة للمدير كل شوية يبعتك فصل احتياطي او اشراف وماتقدرش تتكلم
رأي المتواضع لو جات فرصة اشتغل مهارات مهنية بدل الاحتياطي وفي الاخير الامر لك دي مجرد نصيحة اللي مش عايز مايشتغلش مهارات مهنية ولو حضرتك مدرستك مش بتلزمك باحتياطي يبقي خير وبركة وتقعد في مكتبتك باشا
البعض هيقول انا عايز اشتغل المدير رافض كلم توجيهك يتدخل ويسجل اسمك
ـــــــــــــــــــــــــــــــ
رابعا سؤال البعض مستغرب ازاي الادارة العامة للمكتبات عارفة ان المرحلة الابتدائية مفيهاش منهج مكتبة ونزلها منهج مهارات مهنية وبرضو منزله منهج مكتبة في النشرة التوجيهية
ارد علي حضراتكم ان المنهج بينزل من اول رياض الاطفال حتي الصف الثالث الثانوي ومكناش بندي الصفوف الاولي لغاية تالتة
يازملائي الافاضل ده منهج تعليمي وليس منهج للتدريس بمعني الطالب لازم يعرف يعني ايه مرجع يعني ايه كتاب الفرق بين الندوة والمحاضرة ازاي يعمل بحث ازاي يلخص ايه اهمية المكتبة اداب المكتبة حتي لو مفيش حصص الطلاب اللي بتشارك في المسابقات بتتعرض لاسئلة عن المهارات المكتبية
يبقا مفيش تعارض من نزول المنهج مع عدم وجود حصص مكتبة
طبعا هتقولي وامتي الطالب هيعرف طالما مش بيدخل مكتبة؟؟
الطبيعي الطالب بيجيلك يستعير يشارك في مسابقة عندك أصدقاء المكتبة بتعرفه الحاجات دي ممكن تعملها معلومة في الاذاعة المدرسية الكل يسمعها ويعرفها
تعمل محاضرة عن المكتبة واهميتها
دي رسالتك الحقيقية توصيل المعلومة
واخيرا لو حابب تقول بينك وبين نفسك ان الوزارة في وادي والادارة العامة للمكتبات في وادي أقولك حقك لان مفيش ربط ولا تنسيق بينهم كان ممكن يدخل المهارات المكتبية داخل المهارات المهنية في الكتاب ويبقي ضرب عصفورين بحجر واحد لكن مفيش حد يشغل دماغه
اكيد صدعتكم بس اتمني اكون افدتكم
يوسف أبوالعباس

الزملاء الافاضل : كل سنة وحضراتكم طيبين يارب عام دراسي سعيد علي الجميع وندعو الله ان يوفقنا جميعا النشرة التوجيهية نزلت وفيها المنهج ونشرة المسابقات وتم نشرهم بالجروب حابب أوضح بعض النقاط اولا : المنهج نفس المنهج بتاع السنة اللي فاتت يعني اللي عنده تحضير من السنة اللي فاتت يحتفظ به ويشتغل منه واللي ماعندهوش ان شاء الله هنزل المنهج صور و pdf للطباعة ـــــــــــــــــــــــــــ ثانيا : المرحلة الاعدادية والثانوية مفيش عندهم مشكلة لانهم هيشتغلوا منهج تربية مكتبية المشكلة عند المرحلة الابتدائية لان اصبح مفيش منهج مكتبة ومن الصف الرابع الي السادس هتشتغل مهارات مهنية ــــــــــــــــــــــــــــ ثالثا ودي اهم حاجة المهارات المهنية مادة لها منهج وتحضير وحصص وتدريس وامتحان وتصحيح ودرجات اعمال سنة ولها ايضا حافز البعض هيقول مالهاش لازمة وجع القلب مع العيال ونشرح ونتعب علي مبالغ ضئيلة ارد علي حضرتك واقولك كنت بتشتغل حصص مكتبة مع العيال طول اليوم فصل داخل وفصل خارج ببلاش كمان دلوقت حضرتك مش هتشتغل مهارات مهنية هتقعد فاضي وهتبقي ملطشة للمدير كل شوية يبعتك فصل احتياطي او اشراف وماتقدرش تتكلم رأي المتواضع لو جات فرصة اشتغل مهارات مهنية بدل الاحتياطي وفي الاخير الامر لك دي مجرد نصيحة اللي مش عايز مايشتغلش مهارات مهنية ولو حضرتك مدرستك مش بتلزمك باحتياطي يبقي خير وبركة وتقعد في مكتبتك باشا البعض هيقول انا عايز اشتغل المدير رافض كلم توجيهك يتدخل ويسجل اسمك ـــــــــــــــــــــــــــــــ رابعا سؤال البعض مستغرب ازاي الادارة العامة للمكتبات عارفة ان المرحلة الابتدائية مفيهاش منهج مكتبة ونزلها منهج مهارات مهنية وبرضو منزله منهج مكتبة في النشرة التوجيهية ارد علي حضراتكم ان المنهج بينزل من اول رياض الاطفال حتي الصف الثالث الثانوي ومكناش بندي الصفوف الاولي لغاية تالتة يازملائي الافاضل ده منهج تعليمي وليس منهج للتدريس بمعني الطالب لازم يعرف يعني ايه مرجع يعني ايه كتاب الفرق بين الندوة والمحاضرة ازاي يعمل بحث ازاي يلخص ايه اهمية المكتبة اداب المكتبة حتي لو مفيش حصص الطلاب اللي بتشارك في المسابقات بتتعرض لاسئلة عن المهارات المكتبية يبقا مفيش تعارض من نزول المنهج مع عدم وجود حصص مكتبة طبعا هتقولي وامتي الطالب هيعرف طالما مش بيدخل مكتبة؟؟ الطبيعي الطالب بيجيلك يستعير يشارك في مسابقة عندك أصدقاء المكتبة بتعرفه الحاجات دي ممكن تعملها معلومة في الاذاعة المدرسية الكل يسمعها ويعرفها تعمل محاضرة عن المكتبة واهميتها دي رسالتك الحقيقية توصيل المعلومة واخيرا لو حابب تقول بينك وبين نفسك ان الوزارة في وادي والادارة العامة للمكتبات في وادي أقولك حقك لان مفيش ربط ولا تنسيق بينهم كان ممكن يدخل المهارات المكتبية داخل المهارات المهنية في الكتاب ويبقي ضرب عصفورين بحجر واحد لكن مفيش حد يشغل دماغه اكيد صدعتكم بس اتمني اكون افدتكم يوسف أبوالعباس

0 Σχόλια 0 Μοιράστηκε 6χλμ. Views 0 Προεπισκόπηση