للتذكرة مرة اخري هنعمل ايه في النشاط الصيفي ببساطة
1. نعلق اعلان عن النشاط في مكان بارز
2. نعمل كشكولين واحد مترددين والتاني الانشطة
اولا :المترددين نفس تسطيرة سجل المترددين ولو عايز تكمل في سجل المترددين بتاع الدراسة كمل الاتنبن صح
ثانيا :الانشطة هنقسمه 6 اجزاء
ندوات - محاضرات - مناظرات - ورش عمل - مسابقات ثقافية او فنية (رسم ) - ساعة القصة ( وتشمل الاتي : رواية قصة ومسرحة قصة ومناقشة كتاب )
محتويات السجل
· الغلاف
· اهداف النشاط
· المدة الزمنية ومواعيد الفتح والغلق
· اسماء الطلاب المشاركون في النشاط
· خطة النشاط لثلاث شهور
· الاجتماع باعضاء النشاط
· الاجزاء التي تم تقسيمها
كيفية العمل في النشاط الصيفي
· تابع مع توجيهك حاجتين الاولي مواعيد النشاط هل هو من بداية يونيو ولا من منتصف يونيو
· تابع معاهم عندهم خطة زمنية للثلاث شهور ولا هتمشي علي خطة زي الموجودة علي الجروب
عرفت ورسيت علي اللي هتتبعه
افتح مكتبتك ولو جالك طلاب نفذ معاهم النشاط المتسجل في الخطة ولو مفيش طلاب وده بنسبة 95 % هتسجل النشاط في الكشكول زي ماهو موجود في الجروب لان المتابعة بتيجي تدور علي الورق مش العيال
ولو حضرتك قلتله مفيش طلاب ومش عامل نشاط تبقي حضرتك اللي خربت التعليم في مصر وضيعت مستقبل زويل وسميرة موسي اللي كانوا هييجوا يستفيدوا من المكتبة وحضرتك ماعملتش اللي عليك
المدارس اللي عندها امتحانات يؤجل النشاط لبعد الامتحانات
· مش بالضرورة تنفذ كل النشاط الموجود بالخطة طالما مفيش طلاب اكتفي بنشاط اواتنين اسبوعيا المهم السجل يكون شغال
واخيرا بالتوفيق للجميع
يوسف ابوالعباس