إزاي تبدأ في مجال أمن المعلومات؟ أول خطوة هي انك تفهم الوظائف المختلفة في مجال أمن المعلومات عشان تقدر تحدد انت عايز تتخصص في إيه منها. ده فيديو عملته بشرح فيه الوظائف المختلفه في مجال أمن المعلومات وإيه الكورسات اللي محتاجها عشان تبدأ فيها: https://www.youtube.com/watch?v=fzkHCqCJ0as بعد ما تفهم الوظائف المختلفة, دي roadmap مفصلة لتلات مجالات في أمن المعلومات (Red teaming, Pentesting and bug hunting) تمشي عليها من البداية لحد ما توصل لمستوي احترافي ان شاء الله: https://www.youtube.com/watch?v=f3hP49LGoik&list=PLv7cogHXoVhVqQyou7hWWpUHwWZEcMR2x&index=5 وده الكورس اللي بشرح فيه مجال ال penetration testing واكتشاف الثغرات بالتفصيل: https://www.youtube.com/watch?v=BjfCWSFmIFI&list=PLv7cogHXoVhXvHPzIl1dWtBiYUAL8baHj وفي الفيديو ده هتلاقي نصائح لإزاي تجهز للإنترفيو و ايه الأسئلة اللي بتتسأل في مجالات ال Penetration testing, Malware analysis and SOC: https://www.youtube.com/watch?v=4tAN5SpAj_g&list=PLv7cogHXoVhVqQyou7hWWpUHwWZEcMR2x ولو عايز تدور علي وظيفة بره مصر, فده فيديو اتكلمت فيه مع مهندسين أمن معلومات من شركات عالمية زي Facebook, Deloitte, Visa وغيرها في دول مختلفة عن ازاي حصلو علي وظائفهم في الشركات دي وايه أسهل طريقة تقدر تلاقي وظيفة بره مصر في مجال أمن المعلومات: https://www.youtube.com/watch?v=Oo0QTeV6WaY&list=PLv7cogHXoVhVqQyou7hWWpUHwWZEcMR2x&index=6 وهنا جمعتلكم لسته بمعظم شركات السكيورتي فمصر وصفحاتهم علي الفيس بوك ولينكد ان، فتابعهم عشان لما يعلنو عن الايفنتات والتدريب والوظايف: https://www.facebook.com/Zigoo.eg/posts/pfbid028VwVQt7tSBDxFTYiJLxa3jxMVJwrFeyau4u8nUmNGhsfkVAcenkrBFttV1QdGztfl وفي الأخير, النصيحة الذهبية اللي دايما بقولها هي انك تبدأ بتعلم البرمجة, عشان البرمجة هتسهل عليك دخول مجال أمن المعلومات بكل تخصصاته. ولما نتكلم عن البرمجة فأفضل حد بيشرح بالعربي وعامل شروحات مفصلة لأكتر من لغة هو أسامة محمد. تقدر تتابعه علي صفحته هنا https://www.facebook.com/OsElzero أكتر سؤال بتسأله, اتعلم برمجة لغاية فين؟ لغاية ما تبقي قادر لوحدك تبرمج 5 مواقع بقاعدة بيانات وبصفحات مختلفة زي الصفحة الرئيسية للموقع وصفحة تسجيل في الموقع signup وصفحة تسجيل دخول وصفحة اضافة وتعديل اخبار وصفحة بحث في الاخبار وكام صفحة لمدير الموقع وهكذا. واعمل ده بافكار مختلفة زي موقع لادارة المخازن وموقع لادارة صيدلية الخ. لما تخلصهم انت كده مستواك كافي انك تدخل أمن المعلومات وهتتعلمه اسرع بكتير لانك بتعلمك للبرمجة قطعت مسافة كبيرة في أمن المعلومات نظرا لاعتمادها علي البرمجة. أختار انهي لغة برمجة؟ اقرا عنهم واختار اللي لقيتها أسهل بالنسبالك. ولو دورت كتير ومش عارف تختار ايه, فتوكل علي الله واختار Python رجاء, متفكرش كتير ومتسوفش ومتعملش خطط, ابدأ علطووول وكل حاجة هتوضح معاك في الطريق :D ولو عطلت في حاجة او عندك أي سؤال فتقدر تنضم لينا في الجروب اللي بيضم أكبر عدد من المحترفين العرب في مجال أمن المعلومات اللي هيساعدوك ويجاوبو علي أسالتك: https://www.facebook.com/groups/pentesting4arabs/ ولا تنسوني من دعائكم ولكم بالمثل ان شاء الله