زملائي الافاضل بدأنا شهر مارس واخره امتحانات الشهر وبعده ابريل ويبدأ فيه شهر رمضان المعظم وكل عام وانتم بخير .
فلنبدأ من الان التجهيز للجرد السنوي ، طبعا مش هنعمل جرد في شهر مارس ، ولكن نجهز اوراقنا علشان نبدأ ان شاء الله في الجرد في الاسبوع الاول من شهر ابريل علشان نخلص قبل بداية رمضان يوم 12 او13 ابريل وقبل الحر والصيام ، كلا حسب رغبته وحسب حجم مكتبته ومقتنياته من الكتب
ـــــــــــــــــــــــــــــــــــــــــــــ
ايه المفروض نعمله ؟
مرفق مع البوست الارقام من 1 الي 15000
اولا : اطبع الورق ده او صوره او لو مفيش امكانية اكتب الارقام بأيدك او في ورق قلوسكاب الي اخر رقم في سجل اليومية بتاعك ( بمعني لو عندي 2500 كتاب مش لازم اصور الورق ده كله ) ده معمول للمكتبات الكبيرة
ثانيا : ابدأ اشطب في الورق علي الارقام التالفة والفاقدة والمستبعدة من قبل من خلال سجل اليومية
( علشان لم تبدأ جرد يبقي ورقك جاهز علي الارقام الموجودة فقط )
ثالثا : ابدأ جهز الكتب بتاعتك بطريقة تريحك : يعني ايه ؟
رمم الكتب الجيدة اللي فيها تلف بسيط والحديثة اللي مش ممكن تطلع جرد .
- تأكد من الاختام والارقام العامة انها واضحة .
- ابدأ اكتب الرقم العام بخط واضح علي غلاف الكتاب في مكان بارز . ايه الفكرة من كده ؟
علشان بدل ما تفتح الكتاب وتقرأ الرقم وتاخد وقت هتلاقي الرقم علي الغلاف اسهل واسرع وتوفير الجهد
- لو مكتبتك فيها كتب سلاسل ابدأ اجمع السلاسل مع بعض علشان ارقامها وري بعض ومش هتاخد وقت في الجرد
- صور ورق الجرد وحضر البيانات مثل اخر رقم والفعلي والجرود السابقة
- لو عملت كده اول ما هتبدأ جرد مش هياخد منك وقت وهتستريح
هنعمل الجرد ازاي ؟
- نبدأ نمسك رف رف ننزل كتبه علي الترابيزة
- احد الزملاء هيمسك الكتاب ويقرأ الرقم العام اللي مكتوب علي الغلاف
- حضرتك تعلم علي الرقم بعلامة صح مثلا
- بعد ماتخلص الرف ارفع الكتب مكانها وضع ورقة مكتوب عليها تم الجرد
- كرر نفس الكلام مع باقي الرفوف
- اثناء الجرد الكتاب المتهالك القديم او المنتهي الصلاحية ومعلوماته تقادمت او ورقة اصفر ورائحته غريبة ومن الممكن ان يؤذي الطلاب اسحبه بعيدا عن الرف وعلم علامة مخالفة علي الرقم حتي تعرف انه تالف وليكن علامة خطـأ x
- بعد الانتهاء من كل الكتب ابدأ مر علي الارقام وسجل الارقام اللي مش متعلم عليها في ورقة فلوسكاب بالترتيب يبقي دي الارقام الفاقدة
- سجل ارقام التالف في كشف مستقل
- ابدأ اعمل النسبة بتاعتك 3% تالف و3%فاقد
كيفية عمل النسبة ؟
اقسم التالف علي الفعلي في 100
مثال " عندي تالف 63 والفعلي 2016
يبقي 63 علي 2016 في 100
-عملت النسبة وطلعت في حدود الجرد ابدأ سجل الارقام في كشف الفاقد والتالف بالتسلسل
- ارجع الي اليومية واستكمل بيانات الكتب مثل الرقم الخاص والعنوان والمؤلف وتاريخ الورود والسعر
لاحظ الاتي : -
- لايجوز اخراج الموسوعات او القواميس او دوائر المعارف في الجرد
- لا يجوز اخراج سلسلة كاملة في الجرد
- لا تتخطي النسبة المسموح بها في الجرد
- ممنوع اخراج الكتب التي وردت حديثا اي لابد من مرور اكثر من عامين عليها
- ماذا لو ان النسبة تخطت الحاجز المسموح به ؟
استخرج في حدود المتاح فقط حتي لا تتعرض للمسائلة 999 جنيه بنسبة 6%
واستبعد من يطبق عليه قواعد الاستبعاد في كشوف استبعاد بعيدا عن الجرد
واذا تبقي كتب ارجئها الي العام التالي
*****************************
وفي الختام بالتوفيق لنا جميعا وكل جرد وحضرتكم بخير
خالص تحياتي يوسف ابوالعباس