#تقديم_الصف_الاول_الثانوي شرح خطوات التقديم للصف الاول الثانوي بنوعيها( عام أو فني) بالتفاصيل والصور اولا عشان تكون جاهزلازم يكون معاك الرقم القومي للطالب والكود ورقم موبايل خاص بالطالب أو ولي أمره الكود بنجيبه من المدرسة الاعدادية أو لو معانا صورة إيصال سداد المصروفات الدراسية أو إيصال سداد رسوم الامتحان هنلاقي الكود فيه خطوات التقديم ادخل على لينك التقديم https://tansiksec.emis.gov.eg/#/auth/login 1. اضغط على التسجيل بحساب الوزارة 2. اكتب الرقم القومي واكتب كود الطالب ثم أضغط تسجيل . 3. هتظهرلي رسالة ترحيب باسم الطالب وبريده الاليكتروني ومطلوب كتابة رقم الموبايل وكلمة المرور نكتب كلمة مرور لا تقل عن عشرة حروف وأرقام ويكون فيهم حرف كابيتال على الاقل ورمز ثم نكتبها مره اخرى للتأكيد ويجب الاحتفاظ بها ثم نضغط تأكيد 4. هتظهر رسالة تم تسجيل بياناتك بنجاح وهيرجع مره أخرى على صفحة تسجيل كلمة المرور نكتبها ثم نضغط دخول . 5. هتظهر بيانات الطالب ومجموعه نضغط الدخول الى التنسيق 6. بيظهرلي في بداية الصفحة مواعيد التقديم هتبدأ من امتى وتنتهي امتى وطبعا المواعيد دي غير ثابتة وبتختلف من محافظة لأخرى وفيها ايضا معلومات عن التنسيق للثانوي العام والفني لمن يرغب في الاطلاع عليها ثم نضغط التالي اسفل الصفحة . 7. تظهر صفحة بها ثلاث اختيارات معلومات التنسيق ، خريطة التنسيق ، وتقديم الرغبات نضغط على تقديم الرغبات 8. نختار نوع التعليم والمتاح لي حسب مجموع الطالب اختار نوع التعليم اللي انا عايزه هتظهرلي المديرية وبتكون محددة طبعا باسم محافظتي ثم اختار الادارة وأخر شيء المدرسة ثم اضغط حفظ الرغبات . ويمكن اختيار نوع تعليم آخر حسب المتاح ثم اختار اضافة بعد كل اختيار ومتاح لي تعديل الرغبات كما متاح ايضا مسح كل الرغبات ولكن يجب الضغط على حفظ الرغبات . الطباعة غير متاحة ولكن يمكن الطباعة عن طريق كنترول +حرف P او الاحتفاظ بها pdf أو اسكرين كما يمكن التعديل بعد الحفظ واغلاق الموقع بالدخول مره اخرى على نفس اللينك واختيار لدي حساب بالفعل وكتابة الايميل وكلمة المرور اللي احتفظت بيهم واسجل دخول واعدل الرغبات . بالتوفيق لجميع ابناءنا الطلاب . ارق تحياتي 🌹🌹 #هدى