يعني ايه Cyber Security

ببساطة كده تعالى نقسم كلمة Cyber Security الى جزئين , الجزء الاول هو كلمة Cyber والجزء التانى هو كلمة Security , تعالى بقه نمسك كل جزء ونفهمه ,
اوﻻ كلمة Cyber دي معناها اي شيء ليه علاقة بالـ Technology سواء كان Operating System او Network او Application او Data , كل دي حاجات ليها علاقة بالـ Technology وهو ده معنى كلمة Cyber ,
نيجي بقه للجزء التانى وهو كلمة Security ودي معناها حماية , طب حماية لايه ؟ , حماية للحاجات الـ ليها علاقة بالـ Technology , يعنى لما تعمل حماية للـ Operating System حيبقى اسمها Operating System Security , ولما تعمل حماية للـ Network حيبقى اسمها Network Security , ولما تعمل حماية للـ Application حيبقى اسمها Application Security , ولما تعمل حماية للـ Data حيبقى اسمها information Security وهكذا بقه , كل دي تعتبر مجاﻻت بتندرج تحت مسمى الـ Cyber Security , يعنى معنى كلمة Cyber Security هو حماية اي شيء ليه علاقة
1 - ايه التخصصات الـ موجودة جوه الـ Cyber Security ؟
مجال الـ Cyber Security مجال واسع جدا و متشعب جدا وجواه العديد والعديد من المجاﻻت زي الـ System Security , Network Security , Application Security , Penetration Testing , Threat Hunting , Digital Forensic , Malware Analysis , SOC Specialist وغيرهم وغيرهم وغيرهم , فا لو مشينا معاهم بالمنطق ده والتشعب ده فا مش حنخلص ومش حنوصل لأخر المسميات الوظيفية المندرجة تحت مسمى الـ Cyber Security , فا عشان كده احنا لما بنحب نتكلم عن التخصصات او المجاﻻت الـ موجودة جوه الـ Cyber Security بنحب نتكلم من مصطلح الـ Red Team و الـ Blue Team , طب يعني ايه الكلام ده !!!🤷🏻‍♀️
-
يعنى خلينا نقول ان مجال الـ Cyber Security بيتكون من مجالين فقط او تخصصين فقط !
المجال الاول هو الـ Red Team ودول وظيفتهم انهم يخترقوا اي شيء قدامهم سواء كان System او Network او Application او غيرهم
المجال التانى هو الـ Blue Team ودول وظيفتهم انهم يحموا اي شيء قدامها سواء كان System او Network او Application او غيرهم , تعالى بقه نمسكهم بالتفصيل وحده وحده .
2- الـ Red Team :
يعنى ايه Red Team
ببساطة انت بيكون عندك شركة زي google مثلا طبعا بيكون عندها مواقع كتير على النت وسيرفرات كتيرة و داتا مهمة جدا بتاعت العملاء وارقام حسابات بنكية وبلاوي سوده تانية فا من الطبيعي انها تهتم بموضوع الاختراق ده جدا وتكون دايما خايفة ليحصل عملية Hacking عليها واديك شايف كمية الداتا المهمة الـ عندها فا سعتها بتلجأ للناس الـ شغاله فى مجال الـ Red Team بقه عشان ببساطة يعملوا محاكاة لعملية الـ Hacking دي , يعني يحولوا يخترقوا شركة ياهو من الاخر بس مش بغرض الاختراق والسرقة ﻻ بغرض انهم يعرفوا ايه هي نقاط الضعف الـ موجودة فيها ويبلغوا عنها للشركة وبكده الشركة تقدر تقفل الثغرات الـ ممكن حد تاني يستغلها عشان يسرق بيانات العملاء , وبكده تكون الشركة زودت نسبة الحماية الـ عندها وانت بتاخد مبلغ مادي محترم مقابل شغلك ده .
بعض المجاﻻت او الـ Skills الـ بتندرج تحت مسمى الـ Red Team :-
- Vulnerability Assessment.
- Network Pentesting.
- Web Pentesting.
- Mobile Pentesting.
- Wireless Pentesting.
- Advanced Exploitation.
3- الـ Blue Team :-
يعنى ايه Blue Team ,
هو بالظبط عكس الكلام الـ فوق ده , انك بدل ما بتخترق الشركة عشان تعرف الثغرات الـ فيها وتقفلها , ﻻ انت بتحاول انك تأمنها على قد ما تقدر عن طريق الـ Security Appliances زي الـ Firewall والـ Antivirus والـ IDS/IPS وغيرهم , وبيكون شغلك كله بنسبة 100% هو Security Monitoring , طب تعالى نبسط الموضوع اكتر , انت بيكون شغلك بالظبط انك تكتشف اى عملية Hacking بتحصل على الشركة , وعلى طول بتاخد الاجراءات اللازمة عشان توقف عملية الـ Hacking دي , يعنى من الاخر انت بتكون جدار الحماية بتاع الشركة عشان تحميها من اي عمليات اختراق ممكن تحصل , ولو حصلت توقفها على طول وتعرف مين الـ قام بعملية الاختراق دي .
بعض المجاﻻت او الـ Skills الـ بتندرج تحت مسمى الـ Blue Team :-
- Secure Network Design.
- OS Harding.
- Network Deviced Hardening.
- Monitoring.
- Intrusion Detection.
- Incident Response.
- Digital Forensics.
- Malware Analysis.
- Threat Intelligence.
- Threat Hunting.
4- أزاى تبدء فى مجال الـ Cyber Security ؟
اوﻻ ﻻزم يكون عندك شوية اساسيات ودول بيتلخصوا فى الاتى :-
-
1- Operating Systems
2- Network Protocols
3- Programming
-
ثانيا المفروض بقه تختار مجال معين سواء كان Red Team او Blue Team وعلى اساس الاختيار ده حتبدء تحدد انت حتدرس ايه بالظبط .
-
فى البداية ﻻزم تعرف حاجة مهمة جدا والـ هي : ان الـ Skills بتاعتك دي رقم واحد , فا مش مهم بقه حتدرس منين او حتتعلم ازاي اهم حاجة ان يكون عندك مهارات وخبرة وتجربة كتير , بس طبعا بقه الشركات بيكون مقدم ليها اﻻف من الناس الـ عيزه تشتغل فا صعب انهم يقابلوا كل الناس دي ويعملولها انترفيو , فا سعتها بيختاروا على اساس الـ CV , طب ازاي بيختاروا على اساس الـ CV ؟ ببساطة على اساس الكلام الـ انت كتبه فيه والـ يثبت صحة كلامك ومهاراتك , وصراحة اكتر حاجة بتغري الناس الـ بتوظف هي الشهادات بتاعت السيكيورتى , مع اني لسه قايلك فوق ان اهم حاجة هي الـ Skills , بس للاسف ﻻزم برده تظبط نفسك من ناحية الشهادات عشان دي الـ بتتكلم عنك فى السريع , يعنى بدل ما اقعد اقولك فى نص ساعة المهارات الـ عندي انا ممكن اقولك فى ثانيتين اني دارس شهادة OSCP مثلا فا سعتها حتعرف انا مستوايا عامل ازاي , ده على سبيل التوضيح مش اكتر ممكن تكون كداب اصلا , فعشان كده بيتعملك انترفيو عشان يشوفوا مستواك فعلا
-
المفروض انت دلوقتى بقه تكون اختارت مجال تتخصص فيه سواء كان red team او blue team