السلام عليكم ورحمة الله وبركاته اليوم اول ايام التقديم للصف الاول الابتدائي ورياض الأطفال والتقديم مستمر حتى نهاية الشهر الحالي . وأول خطوة لازم يعملها ولي الأمر هي انشاء حساب لولي الأمر والحصول على كلمة المرور المطلوبة عند الدخول على لينك التقديم . اولا يتم الدخول على اللينك التالي http://parentreg.emis.gov.eg/newUser.aspx ثانيا ملء جميع البيانات الخاصة بولي الأمر بدقة دون ترك اي بيان وبأكد تاني مطلوب بيانات الأب أو ولي الأمر وليس بيانات الطفل . (جميع البيانات مطلوبة ويمكن التجاوز عن البريد الالكتروني لو مش موجود مش هنكتبه) في نهاية البيانات في خانة بيطلب فيها كلمة المرور دي بنكتب فيها أي مجموعة من الحروف والارقام بيختارها ولي الأمر براحته بحيث لا تقل عن ثمانية ويكون بها حرف كابيتال على الأقل ونحتفظ بالكلمة دي نكتبها في ورقة عشان متضعش لان دي المطلوبة عند التسجيل وهنحتاجها بعد كده ونضغط على تسجيل هتظهرلك رسالة أن تم التسجيل بنجاح رابط التقديم للصف الأول الابتدائى: https://prim.emis.gov.eg/St_date_pers.aspx رابط التقديم لرياض الأطفال: https://kg.emis.gov.eg/Kg_date_pers.aspx ملحوظة لو ولي الأمر قام بالتسجيل في إحدى المكتبات ياريت يطلب من صاحب المكتبة كلمة المرور الخاصة به لأننا عانينا كتير العام الماضي من الموضوع ده . بالتوفيق للجميع 🌹🌹