اسهل طريقة لعمل الجرد في اقل وقت وبأقل مجهود

اسهل طريقة لعمل الجرد في اقل وقت وبأقل مجهود
زملائي الافاضل انتصف شهر مارس وبعده ابريل حيث شهر رمضان والصيام وامتحانات العملي في المدارس ثم تبدأ امتحانات الترم الثاني في مايو اي ليس امامنا سوي شهر فقط ، وبما أن الانشطة توقفت هنكتفي بفتح سجل المترددين وعمل لجنة مكتبة في شهر ابريل .
فلنبدأ من الان التجهيز للجرد السنوي ، خلال الاسبوع القادم ثم نبدأ في الجرد الرسمي بعد ذلك لننتهي من الجرد قبل بدأ شهر رمضان والامتحانات في منتصف ابريل
ايه المفروض نعمله ؟
مرفق مع البوست الارقام من 1 الي 15000
اولا : اطبع الورق ده او صوره او لو مفيش امكانية اكتب الارقام بأيدك في ورق قلوسكاب الي اخر رقم في سجل اليومية بتاعك ( بمعني لو عندك 2500 كتاب مش لازم اصور الورق ده كله ) ده معمول للمكتبات الكبيرة
ثانيا : ابدأ اشطب في الورق علي الارقام التالفة والفاقدة والمستبعدة من خلال سجل اليومية
( علشان لم تبدأ جرد يبقي ورقك جاهز علي الارقام الموجودة فقط)
ثالثا : ابدأ جهز الكتب بتاعتك بطريقة تريحك : يعني ايه ؟
رمم الكتب الجيدة اللي فيها تلف بسيط والحديثة اللي مش ممكن تطلع جرد .
- تأكد من الاختام والارقام العامة انها واضحة.
- ابدأ اكتب الرقم العام بخط واضح علي غلاف الكتاب في مكان بارز . ايه الفكرة من كده ؟
علشان بدل ما تفتح الكتاب وتقرأ الرقم وتاخد وقت هتلاقي الرقم علي الغلاف اسهل واسرع
- لو مكتبتك فيها كتب سلاسل ابدأ اجمع السلاسل مع بعض علشان ارقامها وري بعض ومش هتاخد وقت في الجرد
- صور ورق الجرد وحضر البيانات مثل اخر رقم والفعلي والجرود السابقة
- لو عملت كده اول ما هتبدأ جرد مش هياخد منك وقت وهتستريح
هنعمل الجرد ازاي ؟
- نبدأ نمسك رف رف ننزل كتبه علي الترابيزة
- احد الزملاء هيمسك الكتاب ويقرأ الرقم العام اللي مكتوب علي الغلاف
- حضرتك تعلم علي الرقم بعلامة صح مثلا
- بعد ماتخلص الرف ارفع الكتب مكانها وضع ورقة مكتوب عليها تم الجرد
- كرر نفس الكلام مع باقي الرفوف
- اثناء الجرد الكتاب المتهالك القديم او المنتهي الصلاحية ومعلوماته تقادمت او ورقة اصفر ورائحته غريبة ومن الممكن ان يؤذي الطلاب اسحبه بعيدا عن الرف وعلم علامة مخالفة علي الرقم حتي تعرف انه تالف وليكن حرف اكس او ت ( تالف )
- بعد الانتهاء من كل الكتب ابدأ مر علي الارقام هتجد الاتي:
- ارقام متظللة يعني تالف او فاقد قبل كده
- ارقام عليها علامة صح دي الموجودة
- ارقام مش عليها علامة دي الفاقدة
- اللي عليها حرف ت او علامة اكس دي تالفة
وسجل الارقام اللي مش متعلم عليها في ورقة فلوسكاب بالترتيب يبقي دي الارقام الفاقدة
- سجل ارقام التالف في كشف مستقل
- ابدأ اعمل النسبة بتاعتك 3% تالف و3%فاقد
كيفية عمل النسبة ؟
اقسم التالف علي الفعلي في 100
مثال " عندي تالف 60 والفعلي 2500
يبقي 60 علي 2500 في 100 = 2.4
-عملت النسبة وطلعت في حدود الجرد ابدأ سجل الارقام في كشف الفاقد والتالف بالتسلسل
- ارجع الي اليومية واستكمل بيانات الكتب مثل الرقم الخاص والعنوان والمؤلف وتاريخ الورود والسعر
لاحظ الاتي : -
- لايجوز اخراج الموسوعات او القواميس او دوائر المعارف في الجرد
- لا يجوز اخراج سلسلة كاملة في الجرد
- لا تتخطي النسبة المسموح بها في الجرد
- ممنوع اخراج الكتب التي وردت حديثا اي لابد من مرور اكثر من عامين عليها
- كتب المشروع وعالم سمسم مسموح خروجها في الجرد