بوست دسم وارشادك لتعلم البرمجه من الصفر 💜

و في البوست دا مجمعلك كل حاجه باذن الله هتحتاج تعرفها من اول ازاي تتعلم مهاره البحث لانها هتكون صديقك في الرحله دي لحد ما تختار التراك ال انت هتبداء فيه ان شاء الله تعالي .

يلا بسم الله نبداء , صلي علي النبي اشرف الخلق و اذكر الله 💜

🟣-اول حاجه : لازم تعرفها ول هتكون صديقك في الرحله الطويله دي ولازم تفهما كويس جدا و هوا مفهمو (دائما ابحث | Always Search) .. رغم بساطه الجمله وهيا ديما ابحث يعني ايه الجديد يعني بس هتتغير نتظرتك لما تقراء البوست ال انا عملو دا 

لينك البوست ▼

https://bit.ly/Always-Search-Rasco

⁓×————————————————————×⁓

🟣-تاني حاجه : ازاي تذاكر برمجه صح

هقلك علي طرقتين في طريقه طويله حبتين بس دي هتخليك تفهم كل كبيره و صغيره و الطريقه التانيه مختصره اكتر وليها افاده بردو كويسه وانا بستخدمها

🔶 اول طريقه :

🔸اول حاجه بتسمع الكورس علي السريع بدون ما تطبق ولا بتعمل حاجه فقط بتسمع المصطلاحات و الحاجات ال بتتقال وتركز ازاي البشمهندس بيجيب افكار و ليه استخدم دي هنا و هكذا

🔸تاني حاجه : بعد ما سمعت الكورس علي السيريع كدا , هتبداء تتفرج علي الكورس تاني و في نفس الوقت تطبق يعني البمشهندس عامل حاجه معنيه توقف الفيديو وتعملها بنفسك 

🔸تالت حاجه : انك بقي تقفل الفيديو كدا وتبداء تطبق لوحدك خالص بدون مساعده و لو عطلت ابحث , و لو وقف معاك حاجه و مش عارف تحلها خالص هتعيد الجزء ده من الفيديو ترجع تكمل لوحدك تاني 

🔸رابع حاجه : وانت بتتفرج علي الكورس في حاجات كتيره بتبقي مش فهما كويس او ممكن تنساها ويجي هنا بقي انك تدون ملاحظات لنفسك ودا تعتبر من اهم الطرق ال تستخدمها علشان ترسخ حاجه معينه في دماغك , مش بتسمع عن مصطلح لو انت عايز تتقن حاجه ابداء اشرحها ؟ صح ول ايش فا دا ال انت بتعملو بتاخد جزئيه ميعنيه مثلا وتبداء تشرحها مع نفسك بفهمك 

تمام يا راسكو انا عرفت هدون ملاحظاتي حاضر طب ادون فين ؟ 

انا بستخدم موقع ▼

https://bit.ly/Note-Rasco

ودا جامد جدا والله هتلاقي حاطط فيديوها تشارحو في الينك دا ▼

https://bit.ly/Note-Video-Rasco

الطريقه دي تعتبر من افضل الطرق ومش هتخليك تنسي ال انت اتعلمتو بسرعه وباذن الله هتطلع باقصي استفاده من الكورس ال انت بتتفرج عليه 

🔶 تاني طريقه : هناخد بس تاني حاجه و رابع حاجه من الطريقه الاول ال هيا 

🔸اول حاجه بتسمع الكورس علي السريع بدون ما تطبق ولا بتعمل حاجه فقط بتسمع المصطلاحات و الحاجات ال ببتقال وتركز ازاي البشمهندس بيجيب افكار و ليه استخدم دي هنا و هكذا

🔸تاني حاجه : وانت بتتفرج علي الكورس في حاجات كتيره بتبقي مش فهما كويس او ممكن تنساها ويجي هنا بقي انك تدون ملاحظات لنفسك ودا تعتبر من اهم الطرق ال تستخدمها علشان ترسخ حاجه معينه في دماغك , مش بتسمع عن مصطلح لو انت عايز تتقن حاجه ابداء اشرحها ؟ صح ول ايش فا دا ال انت بتعملو بتاخد جزئيه ميعنيه مثلا وتبداء تشرحها مع نفسك بفهمك 

⁓×————————————————————×⁓

🟣-تالت حاجه : عرفت ازاي تبحث عن المعلومه وتوصل ليها بكل سهوله وعرفت ازاي تذاكر برمجه صح زي الفل

وعلشان تبداء بقي بدايه كويسه ومتعطلكش لو انت في كليه مثلا وبتيجي وبيكون ليك وقت محدد او بترجع من الشغل فا الوقت مش بيبقي مفتوح عندك لانك ملزوم بحاجت بتعملها و علشان دي من اهم الخطوات حابب اذكرها علشان تكمل فعلا و متتحججش بمشكله الوقت .

علشان كدا قلت لازمن اضيف حاجه زي دي هنا وهيا مرحله “تظيم الوقت” لان دي تعتبر من اهم الحاجات ال هتسعدك علي الاستمراريه 

عملك ملف نوشن هنا ازاي تنظم وقتك ▼

https://bit.ly/Time-Management-Rasco

⁓×————————————————————×⁓

🟣-رابع حاجه : من اهم الجاات ال الازمن تتعلمها هتفيدك جدا وهتسهل عليك وقت ان تتعرف علي اختصرات الكيبورد بتاعك 

يعني بدل ما تاخد نص مثلا بالطريقه الاعتدايه ان تضغط علي لك شمال وبعد كدا تتضغط علي copy و لما تيجي تعملها لصق تعمل نفس الموضوع وتضغط علي past فا دي هتاخد منك وقت كبير جدا 

في حين انك انت عارف اختصار زي ctrl + c ودا ال بيعمل copy و اختصار ال ctrl+v ودا ال بيعمل past .. شايف فرق السرعه الرهيبه بنهم مخدتش ثانيه

فا علشان كدا لازمن تكون سريع وعارف اختصارت كتيره و زي ما انت شايف الفرق منهم والمجهود ال بتعمول ,

و بردو من الاسباب ال لازمن تتعلمها علشانها لان مثلا و البشمهندس بيشرح حاجه معينه فا هيقلك انا عملت save للمشروع علشان اقدر اشفو التغيرات ال عملتها فا انت هتقول save ايه و ازاي انا معرفش ازاي ميقلش اتكي علي Ctrl + S علشان اعملها و غيرها من المواضيع ال انت هتقع فيها لو مش عارف الاختصرات و المعاني بتاعت اختصرات الكيبورد

وعلشان متقعدش تحفظ كل الاختصرات فا ركز بس علي كام اختصار ال هوا 

Ctrl + C | نسخ العنصر المحدد

Ctrl + X | قص العنصر المحدد

Ctrl + V | لصق العنصر المحدد

Win + V | لمعره الحاجات ال انت وخدها copy قبل كدا 

Ctrl + S | علشان تعمل save للمشروع

Ctrl + Z | التراجع عن إجراء

Ctrl + Y | إعادة إجراء

Ctrl + D | أو Delete حذف العنصر المحدد ونقله إلى “سلة المحذوفات”.

Shift + Delete | حذف العنصر المحدد دون نقله إلى “سلة المحذوفات”.

Ctrl + Shift | مع أحد مفاتيح الأسهم تحديد كتلة من النص.

Ctrl + A | تحديد جميع العناصر الموجودة في مستند أو نافذة.

Alt + Tab | التبديل بين العناصر المفتوحة.

Ctrl + T | لفتح نافذه جديده في البرنامج او موقع زي جوجل

Ctrl + Shift + T لاسترجاع نافذه تم حذفها

تقدر تشوف الفيديو دا وتتعرف علي باقي الاختصرات▼

https://bit.ly/Windows-Keyboard-Shortcuts-Rasco

⁓×————————————————————×⁓

🟣-خامس حاجه : عرفت الاختصارت الكيبورد وبقيت مش بتاخد وقت في انك تعمل امر معين زي الفل كدا عاش 

بعد كدا هنبداء بقي نتعرف ايه الحاجت ال لازمن تعرفها قبل ما تبداء برمجه وهتكون بشكل نظري زي اي كدا يارسكو ؟

هقلك زي مثلا 

: يعني ايه برمجة ولغة برمجة وكود ؟

: الفرق بين Text-Editor و IDE

: الإستضافة والسيرفرات

: الكمبيوتر المناسب لتعلم البرمجة

: يعني ايه متغيرات ؟

: دردشة ونقاش قبل الشرح العملي - Function يعني ايه

: هل السن عائق في تعلم البرمجة ؟

: هل الإنجليزي عائق في تعلم البرمجة ؟

طب لو في اساله جيت في بالك و البشمهندس اسامه مش عامل عنها فيديو!

بكل بساطه هتبحث عنها زي مثلا : هل يمكن تعلم البرمجه من الهاتف هيطلعلك فيديوهات كتيره شارحه الموضع و اي حاجه بقي تخطر علي بالك هتبحث عنها بنفس الناظام كدا 

وغرهم من الفيديوهات من سلسله ما قبل تعلم البرمجة من البشمهندس العظيم اسامه الزيرو . و بالمنسبه الكورسات كلها باذن الله هتكون مقدمه من البشمهندس اسامه فا دعواتكم ليه و ان شاء الله يكون في ميزان حسناته و غيره من الناس ال بتقدم محتوي تعليمي وحاطط فيديوهات ليها في البوست .

اول سلسله من الفيديوهات ▼

https://bit.ly/Pre-Learn-Programming-Elzero-Rasco

تاني سلسله من الفيديوهات ▼

https://bit.ly/Q-And-A-Elzero-Rasco

كدا يا برنس اتعرفت علي حاجات كتيره بتخطر في ذهنك قبل ما تبداء تتعلم البرمجه و البشمهندس اسامه قالك عليها في الكورس ال عملو يبقي كدا زي الفل ننقل للمرحله ال بعدها 

🟣-سادس حاجه : تبداء تتعلم لغه وتطبق بيها و هيا لغه ال C++ ان شاء الله.

طب يارسكو ليه ال C++ في لغات كتيره في ناس بتقلي تبداء بيها زي ال Python, java او كورس الcs50 و في ال بيقول تشوف الغه ال انت هتبداء فيها في المجال بتاعك وتتعلمها .

ليه ال C++ ؟

انا هقلك : لان لغه ال C++ تعتبر واحدة من اللغات البتقدم للمبرمجين فهماً عميقاً للمفاهيم الأساسية في البرمجة

ولما تتعلمها هتسهل عليك التنقل بين الغات البرمجيه لانها تعتبر فيها كل حاجه غير بعض الغات الجديده مش بتبقي ملمه بكل حاجه موجوده في اي لغه و بردو C++ بتحلك كمبرمج التحكم الدقيق في الذاكرة وإدارتها يدويًا، ودا هيساعدك على فهم كيفية عمل البرامج على مستوى منخفض وكيفية تجنب مشاكل تسريب الذاكرة وأخطاء أخرى.

وعايز اقلك تعلمك للغه زي ال C++ هتسهل عليك التنقل بين اي لغه تانيه بكل سهوله لان بردو خلي بالك ان اللغات كلها نفس الفكره يعني اي يعني مثلا لو بتعمل بلغه ال C++ تطبع حاجه معينه مثلا فا هتستخدم ال cout << "Rasco" .. و نفس الكلام لو هتحتاج تطبع حاجه معينه في لغه زي ال JS فا هتعمل (”Rasco”)console.log وفي Python هتعمل (”Rasco”)print فا هتلاحظ بس ان الاختلاف بيكون في كتابه كل لغه عن التانيه لا اكثر ولا اقل انما كا مفهمو نفس الحاجه

طبعا عرفنا ليه البدايه ب ال C++ تعال بقي اقلك علي الكورس ال هتبداء تتابع معاه وهوا بردو البمشهندس اسامه الزيرو

لينك الكورس ▼ 

https://bit.ly/Fundamentals-Of-Programming-With-C-Plus-Plus-Rasco

وفي الكورس دا هتتعلم كل حاجه باذن الله بعمق زي Algorithms , Data Structure , Function Implement ,Databases Fundamentals وهتحل problem solving ودا يعتبر من اهم الحاجات ال لازم تتعلمها علشان تطور من مستواك كا مبرمج و من افكارك لعمل حاجه معينه في البرمجه 

وهنا تقدر تلقي نظره كامله عن اساسيات البرمجه ال هتبداء تدرسها ب ال C++

لينك الفيديو ▼ 

https://bit.ly/Path-Basics-Programming-Rasco

⁓×————————————————————×⁓

🟣-سابع حاجه : كدا انت برنس خت شوط طويل جدا جدا ولما تخلص دول اصلا هتكون فاهم انت رايح فين وعارف ايه ال نقصك وهتكون خت شوط طويل جد في المجال وهتكون عارف كل كبيره وصغيره باذن الله تعالي وهتكون عارف انت هتتخصص في اي وايه ال محتاجو السوق دلوقتي فا تبداء تتعلمو وهكذا.

فا بعد ما وصلت لهنا هتحتاج بقي انك تتخص في مجال معين زي مثلا ال : Web Development , Mobile App Development , desktop application , Game Development وغيرها من المجالات المختلافه فا علشان انا تخصصي ال Web Development فا هقلك علي الرود ماب ال مشيت عليها ووصلت بيها اني اكون Full Stack Developer

لو انت عايز تتعلم مسار تاني تقدر تبحث عن رود ماب لمجال كذا وهتلاقي فيديوهات كتيره شرحه الموضع دا 

اول حاجه ال Web Development بينقسم الي Front end , Back end 

Front end : دا العناصر المرئيه ال بتبقي في الموقع زي مثلا الزراير تصميم الموقع الخطوط الصور و غيرها من الحاجات ال انت بتقدر تشوفها في الموقع 

وعلشان تقدر تبني موقع ب ال Front end هتدرس الاتي 

html , css , js , react

🔶كورس ال HTML ▼ 

https://bit.ly/Learn-HTML-In-Arabic-Rasco

بعد ما تخلص ال html تقدر تراجع علي ال html من هنا ▼

https://bit.ly/All-Tags-html-Rasco

وعايز اقلك برضو انك هتبقي كتير جدا علي ال html وانت بتبطق علي ال css فا لو في حاجه واقعه منك كدا ول حاجه فا هتفهم جدا وانت بتبق علي ال css فلا تقلق

🔶كورس ال CSS ▼

https://bit.ly/Learn-CSS-In-Arabic-Rasco

لما تخلص ال html , css هتكون مش فاهم حاجات كتيره و مش عارف حتي تعمل ال header بتاع الموقع ودا طبيعي جدا خلي بالك وبيحصل مع اي حد بيجي يتعلم حاجه زي دي فا علشان كدا 

لازم تطبق علي المشاريع دي هتفهمك حاجات كتيره جدا انت عرفها بس مش عارف بتستخدمها ازاي ؟. فا لازم تتفرج علي دول علشان يتختصرو ليك الدنيا

المشروع 1 ▼

https://bit.ly/Arabic-HTML-And-CSS-Template-1-Rasco

المشروع 2 ▼

https://bit.ly/Arabic-HTML-And-CSS-Template-2-Rasco

المشروع 3 ▼

https://bit.ly/Arabic-HTML-CSS-Template-3-Rasco

المشروع 3 ▼

https://bit.ly/HTML-And-CSS-Template-4-Rasco

بعد ما تخلص دول يا برنس هتعمل موقع ليك وتبداء تخش علي موقع زي Pinterest وتكتب في البحث website design ui وتبداء تطبق 

وبعد كدا هتاحول تعمل موقع portfolio ليك يعني موقع شخصي ليك هتكون ضايف فيه المهارت ال انت متعلمها و المشاريع ال انت اشتغلت عليها و خدماتك ال انت بتقدمها وكدا مثال علي مواقع ال portfolio 

رابط الموقع ▼

https://xrasco.com

وتقدر تشوف الفيديو دا شارح فيه ازاي تجيب افكار ▼

https://bit.ly/Rasco-Website-Tools

🔶كورس ال JS ▼

https://bit.ly/Learn-JavaScript-In-Arabic-Rasco

بعد ما تخلص ال js فا هتحتاج انك تطبق عليها طبق عليها من هنا 

كورس من البشمهندس اسامه الزيرو في تطبيات جميله وهيفهمك حاجات كتيره ان شاء الله ▼

https://bit.ly/Javascript-Examples-Tutorials-Rasco

15 مشروع js هيفهموك حاجات كتيره جدا ان شاء الله ▼

https://bit.ly/Build-15-JavaScript-Projects-Rasco

انت خلصت دا كلو ومشاء الله بقيت قادر انك تعمل مواقع باستخدم ال 3 حاجات دول كويس جدا ما شاء الله

هتحتاج تتعلم اموار ال CLI 

تعلم أوامر command line _< بإختصار 💜

تعلمك command line هيفرق معاك في شغلك فا متفوتش البوست دا وطبق وراه.

أوامر بسيطه وهتوفر عليك وقت كبير جدا ان شاء الله💜

ودا لينك البوست ▼

https://bit.ly/command-line-Rasco

بعد كدا هتبداء تتعلم دول ال git & github : ودا هستخدمو في انك تسيف المشروع بتاعك و ترفعو علي ال git hub و هيسهل التعامل بينك وبين التيم لو انت شغال في شركه ول حاجه ▼

https://bit.ly/Learn-Git-and-Github-Elzero-Rasco

هتتعلم ال bootstrap : لو انت اتقنت ال css وبقيت تقدر تفنذ بيها اي موقع فا علشان تسرع شغلك ممكن تستخدم ال bootstrap ▼

https://bit.ly/Bootstrap-5-Design-Elzero-Rasco

او تتعلم ال Tailwind CSS

__________

 بس السوق العمل بيحتاج حاجه تشتغل بيها علشان تسرع شغلك وتخليه افضل فا بتحتاج انك تدرس مكتبة للغه ال js و اقدر ارشحلك react لانها تعتبر اكتر مكتبه مطلوبه في الوقت الحالي وانت بتدرس الحاجات المطلوبه علشان في تقنيات بتختفي وفي بيقل استخدمها في الشركات وكدا فا تقدر تتعلم ال react من هنا ▼

https://bit.ly/React-Class-Hooks-Full-Tutorial-Rasco

__________________________________

و علشان تبقي Back end 

لازمن نعرف ال Back end الاول زي ما عرفنا ال Front end , ال Back end هوا الكود ال ميقدرش اليوز يشوف الكود فا مثال بسيط علشان نوضح اكتر مثلا Front end عمل صفحه ال login او ال registers ونسق الصفحه و خلها زي الفل زي اي موقع انت بتخش وتشوف شكل الصفحات دي تمام كدا 

طب لما الشخص يسجل البينات مين ال بيهندل الموضوع و لو الشخص دخل الباسورد غير صحيحه ايه ال هيعرفو انوها غير صحيح و هيخش الموقع بناء علي اي و الحاجات دي كلها

فا الباك اند بيعمل api ويبعتو لل Front end ( وعلشان تمرن نفسك ابحث يعني اي api .. و اكيد شرحلك ازاي تعمل حاجه زي كدا في اول المنشور البوست بتاع دائما ابحث | Always Search ) و من ال api دا الفرونت اند بيبعت البينات زي مثلا ال الاسم , الرقم , الاميل , الباسورد و غيره من البينات ال انت حابب تبعتها 

و الباك اند زي ما قلنا عامل ال api و هوا ال هيستقبل ال بينات ال هتنبعت دا و هوا كاتب الكود الازم ال لما البينات دي هتنبعت هيعرف يتعامل معاه ازاي و يخزنها في قاعدة البيانات و لو الشخص بعت مثلا كلمه سر غلط فا يبعتلو رساله ان الباسورد غلط و غيرها من الامور .. اعتقد كدا الامور وضحت ليك علشان تكون عارف انت هتتعلم اي 

تقدر تتعلم ال node js , express , mongo db  

programming language : JavaScript & Node.js

Database : MongoDB

Framework : Express

طب وليه يا راسكو هتختار مسار ال Node js ما في مسارت كتيره لل Back end زي مثلا ال .NET , PHP , Python/Django. هقلك ليه 

اخترت مسار ال node js لانك مش هتتعلم لغه جديد علشان تبداء تشتغل بيها زي مثلا ال php هتحتاج تتعلم الغه دي بتتكبت ازاي وكدا .

انما في ال node js هتتعلم بس بعض المفاهيم البسيطه ال هتمرن نفسك عليها وبعدها تقدر تعمل مشاريع باك اند كويسه و غير ان ال Node Js تعتبر من الحاجات المطلوبه جدا في سوق العمل فا هتضمن ليك شغل ان شاء الله

و بما انك دارس React فا انت كدا هتكون بتشتغل ب ال MERN STACK 

ال هيا Mongodb , Express , React , Node js 

تابع الكورس دا علشان تتعلم ال Node js , Express ▼

https://bit.ly/NodeJS-and-express-in-Arabic-Rasco

تابع الكورس دا علشان تتعلم ال Express , MongoDB ▼

https://bit.ly/NodeJs-Express-Rasco

بعد كدا هطبق مشروع صغير نظام CRUD ب ال MERN Stack ال هيا Mongodb , Express , React , Node js ▼

https://bit.ly/MERN-Project-Rasco

وبعد كدا تقدر تبحث بقي عن مشاريع ب ال MERN Stack

وهتكون قادر انك تعملها باذن الله تعالي لانك خت شوط محترم وهتلقيق فاهم كل كبيره و صغيره 

⁓×————————————————————×⁓

و لو وصلت لهنا ومهتم فعلا بالمجال ابداء خش في جروبات علشان تتشجع و تشوف الناس بتبطق ازاي وبتنزل شغلها وانت بردو تعمل كدا تبداء تطبق وتنزل الحاجات ال انت بتعملها هتلاقي انتقدات تطورك و هتتعرف علي ناس في المجال هيفدوك وكدا 

هتبحث بس عن كلمه “برمجه" في بحث الفيسبوك وبعد كدا هتحدد علي مجموعات و تبداء تنضم للجوربات دي 

وفي نهايه البوست الطويل دا لو انت وصلت لهنا فا الهديه دي كويسه ليك بعض الكلام هيفهمك الامور ماشيه ازاي :

اول حاجه لازمن تعرفها في البرمجه بلذات او اي مجال انت بتدخلو هيا الاستمراريه انك تستمر و تجتهد و ان شاء الله ربنا هيكرمك 

و عايز اقلك انك مش مطالب انك تفهم الكورس من اول مره لان في بعض الناس لما مش بتفهم حاجه كدا فا بيقلك المجال دا مش مجالي وانا مش نافع فيه وبتفكها من البرمجه .

بس عايز اقلك دي مش مشكله انت اول حاجه بتدرسها اكيد بتلاقي صعوبه في فهما فا دا طبيعي جدا و انا ذات نفسي في ساعت بوصل ليها بعيد الفيديو او الكورس كامل اكتر من مره مثلا علشان استوعب حاجه معنيه فا انت مش من اول مشكله تقف قصادك تقول مش مجالي ومش نافع بيه والكلام دا كلو بيحصل معاه 

وانت مع الوقت لما توصل و تعدي حاجات كتيره الموضع يبقي عندك سهل انك تتعلم حاجه معينه بسهله لان طبيعي بيكون الموضوع جديد عليك لاول مره مثلا ممكن بتكون تدرس اونلاين فا اكيد هتلاقي صعوبه في كدا 

فا اهم حاجه الاستمراريه و ان شاء الله توصل لل انت عايز توصله ان شاء الله تعالي

اهم حاجه انك لازم ثم لازم تطبق كتير جدا علشان المعلومه توصلك فعلا وتقدر تستخدمها في مشاريعك فا طبق و ابحث عن مشاريع معموله بالغه ال انت بتتعلمها او بالتكنولوجيا ال انت بتدرسها 

اعتقد كدا وفيت كل حاجه في البوست ان شاء الله و لو افتكرت حاجه جديده هبداء اضفها او الاساله ال بتجيلي بشكل مستمر مثلا عن حاجه معينه فا هعدل البوست ان شاء الله واذكر الحاجه دي و لو انت بردو لو في حاجه عايزن اذكرها في البوست ممكن تقلي في كمنت او تخش علي الخاص وتقلي اتكلم عن النقطه دي لانها فرقت معاي مثلا وان في بدايتي في التعلم وكدا 

بعد ما تخلص د كلو ان شاء الله و عايز تعرف ازاي تلاقي شغل وتسوق لنفسك وكدا , بجهز لبوست ان شاء الله وهيكون شامل كل حاجه باذن الله تعالي

وفي النهايه صلي علي سيدنا محمد اشرف الخلق و اذكر الله 💜

بالتوفيق للجميع ان شاء الله 💜

By : AbdulHai Gamal Rasco